VIGOGO WA ZANZIBAR WAKUTANA NYUMBANI KWA RAIS MSTAAFU WA ZANZIBAR DOKTA SALMIN AMOUR

 Rais wa Zanzibar na Mwenyekiti wa Baraza la Mapinduzi Zanzibar Dkt  Husein Ali Mwinyi leo ameambatana na viongozi mbalimbali wa serikali akiwemo Makamu wa Kwanza wa Rais wa Zanzibar, Mheshimiwa Alhaj Othman Masoud Othman, kwenye Maulid iliyoandaliwa na Rais wa Awamu ya Tano ya Serikali ya Mapinduzi, Alhaj Dokta Salmin Amour Juma.


Hafla hiyo,imefanyika leo kijijini kwa Dokta Salmin,  Wilaya ya Kaskazini “A”, Mkoa wa Kaskazini Unguja baada ya swala ya Ijumaa katika msikiti wa Kidombo ambapo Imamu wa msikiti huo Sheikh Mussa Haji amemuelezea Mtume Muhammad kuwa alikuwa ni kiongozi anayepaswa kuigwa katika jamii.

 

Hafla hiyo imehudhuriwa pia na Rais Mstaafu wa awamu ya Pili Alhaj Ali Hassan Mwinyi,Makamu wa Pili wa Rais wa Zanzibar Hemed Suleiman Abdallah na Makamu wa Pili Mstaafu wa Rais wa Zanzibar, Balozi Seif Ali Iddi.



Kitengo cha Habari

Ofisi ya Makamu wa Kwanza wa Rais wa Zanzibar

29/10/2021