BILIONEA MZEE MAJINJAH ABISHIWA HODI NYUMBANI KWAKE

Binti yake Avikwa Pete ya Uchumba

Jumapili ya Oktoba 31,2021 ililikuwa ni siku iliyojaa hoihoi vifijo na nderemo ambayo imejenga historia kubwa kwa maisha ya Binti wa Bilionea na mwekezaji mkubwa nchini, Mzee Majinjah,Tunsubilege Kabungo.

Siku hii si tu inatengeneza dira ya maisha ya Tunsubilege bali imeacha furaha kwa familia ya Baba Mzee Alinanuswe Kabungo Mzee Majinjah na Mama Sarah Kabungo Mama Majinjah na kuweka matarajio makubwa ya kuimarisha familia yenye amani na upendo.

Furaha hii inasambaa hadi kwa ndugu jamaa na marafiki wa familia ya Majinjah ambao wamejikuta wakitokwa machozi ya furaha na kuendelea kuiombea dua njema na mafanikio safari hii mpya ya maisha ya Tunsubilege Kabungo na mchumba wake Winfred Kamara.

Siku ambayo familia ya Shemeji yetu kipenzi Winfred Kamara imebisha hodi mlango kwenye familia ya Mzee Majinjah na kupokelewa kwa mikono miwili na wazazi wa Tunsubilege Baba na Mama Majinjah.


Mzee Majinjah na Mama Majinjah hawakusita  kuonesha bashasha na furaha ya wazi kwa namna ambavyo Binti yao amewapa heshima kubwa wazazi wake waliyemzaa,kumlea na kumsomesha.

Mzee Majinjah anasema jambo hili ni la kipekee katika maisha ya Binti yake na kumtakia maisha mema yenye heri na fanaka kwenye maisha yao baada ya kufunga ndoa.

Naye Mama Majinjah kama ilivyo desturi kwa mzazi furaha yake ameionesha kwa kuendelea kumuombea dua njema mwanaye akimtaka aendelee kujitunza na kulinda heshima ya mchumba wake hadi siku itakapofungwa ndoa.

Marafiki wa karibu na familia hii baba mdogo wa Tunsubilege Benjamin Mwandete ameelezea furaha yake na kuahidi kusaidia kufanikisha ndoa hii ili iwe simulizi kwake na hata kwa mchumba wake.

Hii ni siku ambayo Tunsubilege Kabungo Majinjah na mchumba wake Winfred Kamara walivikana pete za uchumba Mungu wabariki Tunsubilege na Winfred kufikia siku hiyo itakayotengeneza historia nzuri ya maisha yao.