Mkurugenzi Mtendaji wa Hospitali ya Rufaa ya Kanda Mbeya Dkt. Godlove Mbwanji 








Wito umetolewa kwa Watumishi wa sekta ya afya nchini kuwa na ubunifu katika utendaji kazi wao ili kuboresha mazingira ya utoaji huduma na kuwa chachu kwa maendeleo ya Taifa. 

Ameyasema hayo leo Mkurugenzi Mtendaji wa Hospitali ya Rufaa ya Kanda Mbeya Dkt. Godlove Mbwanji wakati akiongea na Madaktari Bingwa wa Masikio, Koo na Pua na Wataalamu wa Usikuvu nchini Tanzania walioweka kambi katika Mkoa wa Mbeya katika Hospitali ya Rufaa ya Kanda Mbeya kwaajili ya kutoa elimu na huduma za uchunguzi wa awali wa masiko na usikivu bila malipo kwenye maadhimisho ya wiki ya Usikivu ya Usikivu Duniani yanayofanyika kitaifa hospitalini hapo na kilele chake jumapili 3/3/2024.


Dkt. Mbwanji amesisitiza umuhimu wa kuendelea kujifunza, kuboresha ujuzi na kufanya kazi kwa bidii ili kuhakikisha huduma bora zinatolewa kwa wananchi pia amewapongeza wataalamu hao kwa juhudi zao za kutoa huduma za afya bora katika eneo la masikio, koo na pua, na kuwataka waendelee kuwa mfano wa uzalendo na utumishi bora kwa jamii.


“Naomba nitoe hamasa kwetu katika utendaji wetu kwenye taaluma yetu, ebu tuibuke na bunifu mbalimbali kwa kuwashirikisha wataalamu wenzetu wa Wahandisi vifaa tiba(Biomedical) na watu wa Tehama (ICT) kwa sababu tunaweza kuwa na mawazo na vitu vingine vikaitaji kutengenezwa hapa hapa na sisi guidance ikatoka kwetu, sisi tunaona na vijana wetu wana uwezo mkubwa sana.” – Dkt. Mbwanji


Nae Rais wa Chama cha Wataalamu wa Masiko, Koo na Pua Dkt. Edwin Liyombo ameelezea lengo la uwepo wa siku ya usikivu duniani katika kuhamasisha wananchi, Wataalamu wa Afya na watunga sera kuipa kipaumbele tatizo la usikivu kwa kuonyesha ukubwa wa tatizo watu wanaoweza kupata wasipopata huduma ya afya ya masikio na usikivu, pia akaushukuru Uongozi na watumishi wa Hospitali ya Rufaa ya Kanda Mbeya kuwa mstari wa mbele katika kutoa huduma bora za afya, na kuahidi kuendelea kushirikiana na timu ya hospitali kwa lengo la kuboresha afya ya jamii.


Dkt. Mary Mathias Daktari Bingwa magonjwa ya Masikio, Koo na Pua  kutoka hospitali ya Rufaa ya Mkoa Temeke ametoa wito kwa wananchi na Mkoa wa Mbeya na pembezoni kujitokeza kufanya uchukunguzi wa afya ya masikona usikivu bila malipo katika Hospitali ya Rufaa ya Kanda Mbeya ambapo kilele chake kitakua siku ya Jumapili tarehe 3 Machi 2024.